इटहरी । इटहरी उपमहानगरपालिकाका मेयर हेमकर्ण पौडेलले करको विषयमा नेकपा एमालेका केहि नेताहरुले भ्रम फैलाउन खोजेको आरोप लगाएका छन् ।
इटहरीमा पत्रकार सम्मेलन गर्दै मेयर पौडेलले एमालेले भित्र र बाहिर फरक कुरा गरेर फण्डा गरिरहेको भन्दै आपत्तीसमेत जनाएका छन् । भित्र एउटा सहमति गर्ने अनि बाहिर कुरा फेरेर एमालेले नाटक मन्चन गरिरहेको समेत मेयर पौडेलले आरोप लगाएका छन् ।
बुधबार दिउँसो १ बजेलाई तोकिएको १४ औँ नगरसभा बैठक स्थगित हुनुमा नेकपा एमालेका जनप्रतिनिधिहरु दोषी रहेको उनको भनाई छ । इटहरीको विकासमा एमाले बाधक हुन थालेको आरोप लगाउँदै मेयर पौडेलले एमालेबाट निर्वाचित जनप्रतिनिधिले अनुचित दबाब दिएको समेत आरोप लगाए ।
राजस्व, शुल्क तथा जरिवाना घटाउनुपर्ने माग राख्दै आएका एमाले जनप्रतिनिधिहरूले बुधवारको नगर सभामा पार्टीको ह्विपमा अवरुद्ध गर्न खोजेपछि आफूले स्थगित गर्नुपरेको स्पष्टिकरण दिए । उनले आफूहरु कर घटाउने पक्षमा रहेपनि एमालेले दोहोरो चरित्र देखाएको र उपमहानगरपालिकालाई आफ्नै संगठन जसरी चलाउन आरोप लगाए ।
राम्रो काम गर्न नदिने एमालेले जनतामा भ्रमको पर्दा राखेर बस्ने दल र त्यसपछाडिका पात्रको भूमिकबारे पर्दा च्यात्ने बेला भएको उनले उल्लेख गरेका छन् ।
इटहरी उपमहानगर कार्यपालिकामा ३० जना कार्यपालिका सदस्यमध्ये उपप्रमुख सहित २४ जना एमालेबाट निर्वाचित सदस्य छन् भने प्रमुख सहित ६ जना नेपाली काँग्रेसबाट निर्वाचित सदस्य छन् । यस्तै १०४ जना नगर सभा सदस्यमध्ये ८३ जना एमालेबाट निर्वाचित रहेका छन् भने २१ जना मात्र नेपाली काँग्रेसबाट निर्वाचित सदस्य रहेका छन् ।
इटहरीको नगरसभा स्थगित, एमालेले गर्यो विरोध
इटहरीमा बढाइएको कर घटाइने, नगरसभामा निर्णय गरेर लागु गरिने
कर घटाउनको लागि एमाले जनप्रतिनिधिले मागे विशेष अधिवेशन
