खोला तर्ने क्रममा बगाएर बालकको मृत्यु

न्युजलय २९ साउन २०८२, बुधबार १२:३१ मा प्रकाशित

झापा । खोलामा बगेर झापाको दमक–१० जहदाका ११ वर्षीय धर्मेन्द्र प्रसाईँको मृत्यु भएको छ । बुधबार (आज) बिहान भालुखोला तर्ने क्रममा उनी बगेका हुन् ।

प्रहरीका अनुसार बगेको आधा घण्टापछि उद्धार गरी दमकस्थित निम्स अस्पताल पुर्याइएकामा चिकित्सकले उनलाई मृत घोषणा गरेका हुन् ।

घटनाबारे थप अनुसन्धान भइरहेको प्रहरीले जनाएको छ ।