जनकपुरधाम । जनकपुरधाम उपमहानगरपालिका–१६ भैया पोखरीमा डुबेर दिदीबहिनीको मृत्यु भएको छ।
उनीहरुको आज पोखरीमा नुहाउने क्रममा डुबेर मृत्यु भएको हो।
मृत्यु हुनेमा स्थानीय चार वर्षीया आरोहीकुमारी राउत र तीन वर्षीया मैथिलीकुमारी राउत रहेका जिल्ला प्रहरी कार्यालयले जनाएको छ ।
दुवैजना बिहान पोखरीमा नुहाउन गएका थिए। नुहाउने क्रममा गहिरो पानीमा फसेपछि उनीलाई बचाउन नसकिएको बताइएको छ ।
दुवै जनालाई अस्पताल लगिए पनि चिकित्सकले मृत घोषणा गरेको प्रहरीले जनाएको छ । उनीहरुको शव परीक्षणका लागि प्रादेशिक अस्पताल जनकपुरधाम लगिएको छ।
