काठमाडौँ । शुक्रबार मेक्सिकोको दक्षिणी तटमा ७.३ म्याग्निच्युडको शक्तिशाली भूकम्प गएपछि प्रशान्त महासागरका केही भागहरूमा सुनामीको चेतावनी जारी गरिएको छ।
अमेरिकी सुनामी चेतावनी प्रणालीका अनुसार मेक्सिको र ग्वाटेमालाको तटीय क्षेत्रहरूमा सामान्य भन्दा ०.३ देखि १ मिटर अग्ला खतरनाक सुनामी छालहरू आउन सक्छन्।
समाचार एजेन्सी रोयटर्सका अनुसार भूकम्पको धक्का ग्वाटेमाला र एल साल्भाडोरमा पनि महसुस गरिएको थियो। ग्वाटेमाला सिटीमा आतंकित बासिन्दाहरू घरबाट बाहिर निस्किए।
अमेरिकी भूगर्भ सर्वेक्षणका अनुसार भूकम्पको केन्द्रबिन्दु मेक्सिकन शहर प्यूर्टो माडेरो नजिकै थियो र यसको गहिराई १५.२ किलोमिटर रेकर्ड गरिएको थियो।
