इटहरी । मच्छिन्द्र फुटबल क्लब इटहरीमा जारी इटहरी गोल्डकप फुटबल प्रतियोगिताको सेमिफाइनलमा पुगेको छ ।
सोमबार इटहरी रंगशालामा भएको क्वाटरफाइनल खेलमा झापा ११ लाई १–० गोलको अन्तरले हराउँदै मच्छिन्द्र सेमिफाइनलमा पुगेको हो । जितका लागि मच्छिन्द्र फुटबल क्लबका तर्फबाट मलिक बामिदेले गरेको गोल नै निर्णायक बन्यो ।
मंगलबारको अन्तिम क्वाटरफाइनल खेल चर्च ब्वाइज यूनाइटेड काठमाडौं र धरान फुटबल क्लबबिच हुनेछ । गोल्ड कपको विजेताले नगद १० लाख र उपविजेताले पाँच लाख पाउनेछन् ।
