काठमाडौं । अरुण ४ जलविद्युत आयोजना नेपाल विद्युत प्राधिकरणले पाउने भएको छ ।
माथिल्लो अरुणको निर्माणको तयारीमा जुटेको प्राधिकरणलाई ऊर्जा, जलस्रोत तथा सिँचाइ मन्त्रालयले अरुण ४ पनि प्राधिकरणमार्फत निर्माण गर्न प्रस्ताव गरेको थियो ।
प्राधिकरणका कार्यकारी निर्देशक कुलमान घिसिङले अरुण ४ पनि प्राधिकरणले पाउन लागेको पुष्टि गर्दै माथिल्लो अरुण र अरुण ४ गरी करीब १५ सय मेगावाटको परियोजना एउटै नदीमा प्राधिकरण आफैंले एक साथ अघि बढाउन सक्ने बताए ।
प्रदेश–१ को संखुवासभाको भोटखोला र मकालु गाउँपालिका भएर बग्ने अरुण नदीको पानी प्रयोग गरेर अरुण ४ आयोजना बनाउन प्रस्ताव गरिएको छ । यो आयोजनाको वातावरणीय प्रभाव मूल्यांकन भइसकेको छ
