काठमाडौं । नेपाली कांग्रेसका सभापति शेरबहादुर देउवा र पत्नी डा. आरजु राणा देउवा बुधबार डिस्चार्ज भएर ललितपुर जाने भएका छन् ।
गत भदौ २४ गते जेन–जी आन्दोलनकारी समूहले बूढानीलकण्ठस्थित निवासमै कुटपिट र धारिलो हतियारले आक्रमण गर्दा दुवैजना घाइते भएका थिए ।
देउवा दम्पतीलाई भदौ २४ गते नेपाली सेनाले उद्धार गरेर सैनिक अस्पतालमा भर्ना गरेको थियो । जेन–जी प्रदर्शनकारीले देउवाको गर्धनमा धारिलो हतियारले प्रहार गर्दा १२ टाँका लगाउनुपरेको थियो ।
दुवैजनाको स्वास्थ्यमा सुधार भएकाले उपचारमा संलग्न चिकित्सकको सल्लाहअनुसार डिस्चार्ज भएर ललितपुर लान लगिएको हो ।
जेन–जी आन्दोलनका क्रममा देउवा निवास बूढानीलकण्ठ जलाएर ध्वस्त बनाइएको छ ।
