विराटनगर । अविरल वर्षाले विराटनगर एयरपोर्ट डुबानमा परेको छ । वर्षाका कारण केशलिया खोलामा आएको बाढी एयरपोर्टमा पसेपछि डुबानमा परेको हो ।
एयरपोर्टको धावनमार्गमा डेढफिटसम्म पानी जमेको छ भने टर्मिनल भवनभित्र पनि पानी जमेको छ । एयरपोर्ट डुबानका कारण काठमाडौंका लागि टिकट काटेर बसेका यात्रुहरू अलपत्र छन् ।
मंगलबार(हिजो) पनि अत्यधिक वर्षाका कारण जहाजहरू उड्न सकेका थिएनन् ।
