मृगौलामा पथरी हुने सम्भावना धेरैलाई हुन्छ । यस अंगमा स-सना कण बनेर एकअर्कामा जोडिएपछि पथरीको रुप लिन्छ । पथरी मृगौलामा एक वा त्यो भन्दा बढी हुनसक्छ । सामन्यतः यो एकदमै सानो आकारको हुन्छ, जो पिसाबमार्गबाट स्वतः बाहिर निस्कन्छ । तर, यसको आकार ठूलो भयो भने मुत्रमार्गमा रोकावट आउँछ । यसले गर्दा जलन, दुखाई वा रक्तश्राव हुनसक्छ ।
खराब जीवनशैली, लामो समय घाममा बस्ने र शरीरमा पानीको अभाव, शारीरिक गतिविधिको अभाव, अधिक चिया/कफी सेवन, धेरै तारेको, भुटेको खानेकुरा, पिसाब धेरै समय रोक्ने जस्ता गल्तीले मृगौलामा पथरी हुनसक्छ ।
चक्कर आउनु, वान्ता हुनु, मूत्रमार्ग आसपास दुख्नु, लगातार पिसाब लागेको जस्तो हुनु, पिसाबसँगै रक्तश्राव हुनु यसका लक्षण हुन् ।
यसरी घरमै निको पार्नुहोस् पथरीः
– एक गिलास पानीमा दुई चम्चा गाजरको बीज भिजाउने । यसलाई त्यसबेलासम्म उमाल्ने, जब घटेर आधा हुँदैन । दिनमा दुई पटक आधा-आधा कप यो पानी पिउनुपर्छ, मृगौलाको पथरी निस्कन्छ ।
– एक कप पानीमा १०/१२ वटा तुलसीको पात १५ मिनेटसम्म उमाल्ने । यसमा एक चम्चा मह मिसाउने र दिनमा दुई पटक पिउने ।
– ७० ग्राम राजमा चार लीटर पानीमा चार घण्टासम्म उमाल्ने । यसलाई सफा कपडाले छान्ने र आठ घण्टासम्म चिसो हुन दिने । यस पानीलाई दिनमा एक पटक पिउनुपर्छ ।
