धादिङ । गोरखाको चुमनुब्री गाउँपालिक–१ सामागाउँमा रहेको वीरेन्द्र हिमताल फुटेपछि सतर्कता अपनाउन स्थानीय सरकार र प्रशासनले आग्रह गरेको छ ।
हिमताल फुटेपछि त्यहाँको स्थानीय खहरेमा ठूलो बाढी आएको जिल्ला प्रहरी कार्यालय धादिङले सूचना जारी गर्दै जनाएको छ। बाढीले काठको १५ मिटर लामो एउटा पुल बगाएको छ ।
ताल रहेको क्षेत्र चुननुब्री–१ सानागाउँबाट झन्डै दुई घण्टाको पैदल दुरीमा पर्छ ।
‘त्यहाँ मानव वस्ती त्यति नभएकाले बाढीले मानिस र पशु चौपायालाई क्षति भने नगरेको स्थानीयबासीले बताएका छन् ।
बुढी गण्डकीमा बाढी आउने भएपछि धादिङ र गोरखाका स्थानीय वडाअध्यक्षहरुले सूचना जारी गर्दै नदी आसपासमा नबस्न, नदी किनारमा काम गर्नेहरुलाई सुरक्षित रहेर किनार छाड्न माइकिङ गर्न थालेका छन् ।
