धनकुटा । लेउती खोलामा आएको बाढीले सडक बगाउँदा धरान–धनकुटा सडक अवरुद्ध बनेको छ ।
बाढीले साँगुरीगढी ६ फेदीमा करिब ५० मिटर सडक बगाएको छ । मंगलबार दिउँसो ४ बजेतिर लेउती खोलाको धार परिवर्तन भइ कोशी राजमार्गमा सडकमा पसेको थियो।
सयौं गाडीहरु बिच बाटोमा नै रोकिँदा यात्रुहरु अलपत्र परेका छन् ।
राजमार्गका वरपरि पहिरोको सम्भावनासमेत बढेको छ । बाढीले सडक बगाएको क्षेत्रमा कुनै बस्तीसमेत छैन ।
जिल्ला सदरमुकामदेखि सुरक्षाकर्मीको टोली बाटो बगाएको स्थानमा पुगेका छन् ।
