काठमाडौं । विभिन्न कम्पनीहरुले प्राथमिक शेयर (आईपीओ) निष्कासनका लागि नेपाल धितोपत्र बोर्डमा निवेदन दिएर निष्कासनको तयारीमा रहेका छन् ।
२६ कम्पनीले आईपीओ निष्कासन विभिन्न समयमा निवेदन दिएर सेबोनको स्वीकृतिको पर्खाइमा छन् ।
सेबोनका अनुसार २६ कम्पनीले ७ अर्ब २६ करोड ६९ लाख २८ हजार ९०० रुपैयाँ बराबरको शेयर विक्री गर्न स्वीकृतिका लागि आवेदन दिएका हुन् ।
सेबोनबाट स्वीकृति प्राप्त भएपछि यी कम्पनीहरुको आईपीओका लागि थप प्रक्रिया अघि बढ्नेछ ।
आईपीओका लागि पाइपलाइनमा रहेका २६ वटा कम्पनीहरूमा दुईवटा बीमा कम्पनी, २० वटा हाइड्रोपावर, तीनवटा फाइनान्स र अन्य समूहको कम्पनीमा डिस मिडिया नेटवर्क रहेको छ ।
