काठमाडौं । गायक राजु लामाले नयाँ गीत सार्वजनिक गरेका छन्। उनले ‘प्रेम रोग’ बोलको रोमान्टिक गीत ल्याएका हुन्।
लामाकै शब्द र संगीत रहेको यो गीतको भिडियोमा समेत उनकै अभिनय छ। उनीसँग अभिनेत्री करिश्मा श्रेष्ठले स्क्रिन सेयर गरेकी छन्।
पवन सुस्लिङको छायांकन तथा सम्पादन रहेको गीतको नृत्य निर्देशन सोनम पाख्रिनले गरेका छन्। म्युजिक भिडियो निर्देशक पनि पाख्रिन नै हुन्।
राजु विगत ३३ वर्षदेखि संगीत क्षेत्रमा निरन्तर सक्रिय छन्।
