काठमाडौँ । संयुक्त राष्ट्रसङ्घको ७९ औं महासभामा भाग लिन न्युर्योक पुगेका प्रधानमन्त्री केपी शर्मा ओलीले अमेरिकी राष्ट्रपति जो बाइडेनसँग भेट गरेका छन् ।
महासभामा भाग लिन आएका पाहुनाका लागि राष्ट्रपति बाइडेनले आयोजना गरेको स्वागत समारोहमा ओलीले उनीसँग भेट गरेका हुन् । ओलीसँगै प्रथम महिला राधिका शाक्य पनि स्वागत समारोहमा सहभागी भइन् ।
ओलीले गएराति महासभालाई सम्बोधन गर्दै शान्ति प्रक्रियासँग सम्बन्धित बाँकी काम चाँडोभन्दा चाँडो पूरा गर्न नेपाल प्रतिबद्ध रहेको बताएका थिए । त्यसअघि उहाँले विभिन्न देशका सरकार तथा राष्ट्र प्रमुखसँग भेटवार्ता गरेका थिए ।
प्रधानमन्त्री ओलीसहितको नेपाली प्रतिनिधिमण्डल गएको असोज ४ गते शुक्रवार न्युर्योक प्रस्थान गरेको थियो । नेपाली टोली आउँदो १४ गते स्वदेश फर्कने तालिका छ ।
