झापा । झापाको विर्तामोड नगरपालिका–७ स्थित खालबाडीमा गए राति हात्तीको आक्रमणबाट एक जनाको मृत्यु भएको छ।
विर्तामोड–७ खालबाडीमा नाम, ठेगाना नखुलेका करिब ३६ वर्षीय पुरुषको हात्तीको आक्रमणबाट मृत्यु भएको जिल्ला प्रहरी कार्यालयले जनाएको छ ।
तराई मूलको जस्तो देखिने ती पुरुषलाई जङ्गलबाट आएको एउटा हात्तीले आक्रमण गरेर थियो। पुरुषको शव आज बिहान स्थानीयवासीले देखेपछि खबर गरेका प्रहरीले जनाएको छ।
घटनाको जानकारी पाएपछि थप अनुसन्धान तथा कानुनी प्रक्रियाका लागि इलाका प्रहरी कार्यालय अनारमनीबाट प्रहरी टोली खटिएको जिल्ला प्रहरी कार्यालय झापाले जनाएको छ।
