लुम्बिनी । रुपन्देहीमा एकै पटक ४ शिशुहरूको जन्म भएको छ ।
युनिभर्सल कलेज अफ मेडिकल साइन्सेज भैरहवामा २४ वर्षीया सीता सार्कीले चम्ल्याहा शिशुलाई जन्म दिएकी हुन् ।
कात्तिक ६ गते अस्पताल भर्ना गरिएकी पाल्पाको माथागढी गाउँपालिका–१ चिदीपानीकी सीताले ९ गते दिउँसो ४ छोरीलाई जन्म दिएको अस्पतालले जनाएको छ ।
उनका अनुसार मंगलबार दिउँसो २ बजे जन्मिएका शिशु र आमाको स्वास्थ्य अवस्था सामान्य रहेको छ ।
शल्यक्रिया मार्फत जन्मिएका शिशुको तौल ११ सय ग्राम, दोस्रोको ११ सय १५ ग्राम, तेस्रोको १ हजार ६० ग्राम र चौथोको ११ सय ३० ग्राम रहेको छ । हाल आमा सामान्य वार्डमा र शिशुहरूलाई एनआईसीयूमा राखिएको छ ।
