काठमाडौँ । अमेरिकामा राष्ट्रपति पदको निर्वाचन सम्पन्न भएको छ र मतगणना शुरु हुने क्रममा रहेको छ । केहि राज्यमा मतदान भइरहेको छ भने केहि राज्यमा मतगणना शुरु भएको छ ।
बीबीसीका अनुसार इन्डियाना र केन्टुकी राज्यमा डोनाल्ड ट्रम्पले जितेका छन् र कुल १९ इलेक्ट्रोरल भोट जितेका छन् । त्यस्तै कमला ह्यारिसले भेरमोन्ट राज्यमा जितेर ३ इलेक्टोरल भोट जितेकी छन् ।
मतगणना गर्ने विधि राज्य अनुसार फरक फरक रहेका छन्, साथै प्रयोग गरिने उपकरण पनि फरक रहेको बताइएको छ ।
कतिपय ठाउँमा मतपत्रहरूलाई स्क्यानरमा राखिन्छ भने अन्य ठाउँमा मत रेकर्ड गर्न टचस्क्रिन प्रणाली वा मतपत्र चिन्ह लगाउने यन्त्र प्रयोग गरिएको छ ।
राष्ट्रपतिको निर्वाचन जित्नका लागि उम्मेदवारले कुल ५३८ मध्ये २७० इलेक्टोरल भोटको बहुमत प्राप्त गर्नुपर्ने हुन्छ ।
