काठमाडौँ । दीपाश्री निरौला निर्देशित फिल्म ‘छक्कापञ्जा ५’ को दोस्रो गीत सार्वजनिक भएको छ ।
ब्रेकअप सङ’ नाम दिइएको गीतमा फिल्मका मुख्य कलाकार दीपकराज गिरी, दीपाश्री निरौला, केदार घिमिरे, वर्षा सिवाकोटी, मेक्सम गौडेल लगायतको अभिनय छ । बाबुल गिरीको शब्द, सङ्गीत, एरेन्ज र स्वर रहेको गीतमा सुरवीर पण्डित र रामेश्वर केसी पनि गीतमा देखिएका छन् ।
गीतले चरित्र चित्रणदेखि पात्रको गेटअप, मुड समेत दर्साउन खोजेको छ । दीपक र माग्ने बूढाले ब्रेकअप अङ्कित सुट लगाएका छन् । गीतले ब्रेकअपपछि प्रेमीले प्रेमिकाप्रति पोखेको आक्रोश दर्साउँछ ।
‘छक्कापञ्जा ५’ दसैँको फूलपातीको दिनदेखि प्रदर्शन हुदैछ ।
