२०७८ साल माघ ६ गते बिहिबार

झापा र मोरङबाट लागुऔषध सहित २ जना पक्राउ

न्युजलय ३० पुस २०७८, शुक्रबार १२:४१ मा प्रकाशित

 विराटनगर ।  झापा र मोरङको दुई छुट्टा छुट्टै स्थानबाट लागुऔषध सहित २ जना पक्राउ परेका छन् । 

बिहिबार (हिजो) राती बिशेष सुचनाको आधारमा ईलाका प्रहरी कार्यालय दमक झापाबाट खटिएको प्रहरी टोलीले दमक–३ बेलडाँगी शिबिरबाट २३ बर्षीय राजन तामाङलाई ब्राउन सुगर ९ ग्राम सहित पक्राउ गरेको हो ।

यसैगरी हिजो दिउसो बिराटनगर–१५ १ नम्बर ढाटबाट लागुऔषध नियन्त्रण ब्युरो बिराटनगरबाट खटिएको प्रहरी टोलीले धरान–७ का १९ बर्षीय कुशल बराईलीलाई लागूऔषध लुपिजेसिक १३ एम्पुल ,डाईजाल्याब १३ एम्पुल, एभिल १३ एम्पुल र फेनारगन १० एम्पुल सहित पक्राउ गरिएको छ । 

पक्राउ परेका दुवैको थप अनुसन्धान अनुसन्धान भईरहेको छ ।