काठमाडौं । नेपालले घरेलु मैदानमा एक वर्षपछि त्रिकोणात्मक श्रृंखलाको उपाधि हात पारेको छ ।
अनुभवी र सिनियर खेलाडी नरहेको टिमले पनि ५ खेलमा अविजित रहँदै उपाधि उचाल्यो ।
कोरोना महामारीका कारण रोकिएको खेलकुद पुन सुरु भएपछि घरेलु मैदानमा पहिलो उपाधि उचाल्न पाएका कप्तान सन्दीपको सुखद सुरुवातको रुपमा यसलाई लिइएको छ ।
यो उपाधि नेपाली क्रिकेट भविष्यको राम्रो सुरुवात रहेको कप्तान लामिछाने तथा प्रशिक्षक पुबुदु दशनायकेले बताए ।
कप्तान सन्दीपले यो उपाधिलाई नेपाली क्रिकेटको भविष्यमा आउने सफलताको प्रतिक भनेका छन् ।
सबै खेलाडीले मन लगाएर खेलेको कारण यो सम्भव भएको उनले बताए ।
