च्यवनप्रास एक आयुर्वेदिक सूत्र हो, जसले प्रतिरक्षा प्रणालीलाई बढाउँछ र शरीरलाई संक्रमणबाट बचाउँछ । दैनिक यसको नियमित सेवनले धेरै स्वास्थ्य लाभ मिल्छ ।
च्यवनप्रास स्वास्थ्यका लागि निकै फाइदाजनक हुन्छ । यसले रोग प्रतिरोधात्मक क्षमता बढाउँछ र रुघाखोकी जस्ता संक्रमणलाई टाढा राख्छ । च्यवनप्रास धेरै प्रकारका जडीबुटीबाट बनेको हुन्छ । एन्टिअक्सिडेन्टले पनि भरिपूर्ण हुन्छ । कोरोनाभाइरस महामारीको समयमा रोग प्रतिरोधात्मक क्षमता बढाउन पनि च्यवनप्रास उपयोगी छ ।
कोरोना भाइरसको संक्रमणको उपचारमा रोग प्रतिरोधात्मक क्षमता बढाउन च्यवनप्रासले सहयोग गर्छ तर, मधुमेहका बिरामीहरूले भने चिनीरहित च्यवनप्रास खानुपर्छ । उच्च रक्तचाप भएका व्यक्तिहरूले पनि यसको सेवन सीमित मात्रामा मात्र गर्नुपर्छ ।
च्यवनप्रास सबै उमेर समूहले सेवन गर्न सक्छन् । बालबालिकाहरूले दैनिक पाँच ग्राम र वयस्कहरूले १० ग्राम सेवन गर्नुपर्छ । यसको सेवन खाना खानुभन्दा एक घण्टाअघि गर्नु उपयोगी हुन्छ ।
च्यवनप्रास सबै उमेर समूहले सेवन गर्न सक्छन् । बालबालिकाहरूले दैनिक पाँच ग्राम र वयस्कहरूले १० ग्राम सेवन गर्नुपर्छ । यसको सेवन खाना खानुभन्दा एक घण्टाअघि गर्नु उपयोगी हुन्छ । यसको सेवन पछि मन तातो दूध वा मनतातो पानीको सेवन गर्दा यसको प्रभावकारिता झन् बढी हुन्छ ।
च्यवनप्रासमा एन्टी एजिङ गुण हुन्छ । भिटामिन, मिनरल र एन्टिअक्सिडेन्ट सप्लिमेन्टहरु भएकोले यो बहुगुणी खाद्यपदार्थ हो ।
– श्वास नलीलाई सफा गर्छ ।
– पाचन प्रणालीमा सुधार गर्छ र कब्जियत कम गर्छ ।
– यसले शरीरमा ऊर्जा बढाउँछ ।
– रगतलाई सफा गर्छ र विषाक्त पदार्थलाई बाहिर निकाल्छ ।
– रक्तचापलाई सामान्य बनाउँछ ।
– दैनिक गतिविधि र एकाग्रता सुधार गर्न मद्दत गर्दछ ।
– शरीरलाई संक्रमणबाट बचाउन मद्दत गर्छ ।
– जवान बनाउन मदत गर्छ ।
– रोग प्रतिरोधात्मक क्षमता बढाउँछ ।
– शरीरलाई बलियो तथा तन्दुरुस्त बनाउँछ ।
