काठमाडौँ । दक्षिण अफ्रिकामा जारी यू १९ विश्वकप क्रिकेट प्रतियोगिताको सुपर सिक्स खेलमा आज नेपालले अन्तिम खेल खेलिरहेको छ । टस हारेर नेपालले पहिला बलिङ गरिरहेको छ ।
सुपर सिक्समा नेपाल पहिलो खेलमा बंगलादेशसँग पराजित भएको थियो ।
प्रतियोगितामा नेपाल यसअघि नै सेमिफाइनल दौडबाट बाहिर रहेकाले यो नेपालको अन्तिम खेल हो । आजको खेलमा नेपालले तीन परिवर्तन गरेको छ । आकाश त्रिपाठी, विपिन रावल र दीपक बोहरा बाहिर छन् ।
