काठमाडौं । पोर्चुगल सरकारले १८ हजार विदेशी नागरिकलाई देश निकाला गर्ने तयारी गरिरहेको छ ।
अधिकारीहरुका अनुसार अनियमित तरिकाले बसोबास गरिरहेका विदेशी नागरिकलाई पोर्चुगलले उनीहरुकै देश फर्काउन लागेको हो ।
पोर्चुगलमा १८ मे मा मध्यावधि निर्वाचनका लागि मतदान हुँदैछ । चुनावी अभियानको क्रममा पोर्चुगलका एक मन्त्रीले सरकारले करिब १८ हजार विदेशी नागरिकलाई देश छोड्न आदेश दिने बताएको समाचार एजेन्सी एपीले जनाएको छ ।
यो कारबाही आगामी हप्तादेखि सुरु गर्ने तयारी छ ।
