काठमाडौँ । गत १० भदौमा भोटेकोशी नदीमा आएको बाढीका कारण त्रिशूली ३ ‘ए’ जलविद्युत् आयोजनाको सुरुङमा फसेका दुई जनालाई आज बिहान जीवितै उद्धार गरिएको छ ।
नेपाली सेना, सशस्त्र प्रहरी र विदेशी उद्धारकर्ता टोलीले उनीहरुलाई उद्धार गरेका हुन् ।
यसरी जीवित उद्धार गरिएकाहरूमा सप्तरीका सञ्जय शाह र काठमाडौंका कविर महर्जन छन् ।
काठमाडौं कीर्तिपुरका महर्जन कुलेखानी जलविद्युत् आयोजनाबाट माथिल्लो त्रिशूली ३ ‘ए’ को नियमित मर्मतसम्भारका लागि पुगेका थिए । उनी हाइड्रो पावर अटोमेसन प्रोजेक्टअन्तर्गत मेकानिकल सुपरभाइजरमा कार्यरत छन् ।
