काठमाडौं । काठमाडौंको चाबहिलमा एक जनाले आफ्नै शरीरमा आगो लगाएका छन् ।
घरायसी विषयमा श्रीमतीसँग विवाद हुँदा उनले मंगलबार राति आफ्नै शरीरमा आगो लगाएका हुन् ।
उनले आफ्नो शरीरमा आगो लगाएपछि निभाउने क्रममा परिवारका अन्य ४ जना घाइते भएका छन् ।
श्रीमान्ले शरीरमा आगो लगाएपछि निभाउने क्रममा उनकी श्रीमती र तीन जना छोरी घाइते भएका जिल्ला प्रहरी परिसर काठमाडौंले जनाएको छ । घाइते मध्ये छोरीहरूको अवस्था गम्भीर छ ।
उनीहरूको कीर्तिपुरस्थित वर्ण अस्पतालमा उपचार भइरहेको बताइएको छ। घटनाको अनुसन्धान भइरहेको प्रहरीको भनाइ छ ।
