काठमाडौँ । अवैध लागु औषध खैरो तथा नियन्त्रित लागु औषध नाइट्रोभेट ट्याब्लेटसहित एक जनालाई नेपाल प्रहरीको लागु औषध नियन्त्रण ब्युरोले पक्राउ गरेको छ ।
प्रहरीले खैरो हेरोइनसहित पाँचथरको फालेलुङ गाउँपालिका–५ घर भएका ३५ वर्षीय राजु थाम्सुहाङलाई गत वैशाख ३ गते ललितपुर महानगरपालिका–१४ विशालाचोकबाट पक्राउ गरेको हो ।
काठमाडौँ उपत्यकालाई केन्द्रबिन्दु बनाई लागु औषध खैरो हेरोइन कारोबारमा संलग्न व्यक्तिलाई लामो समयको निगरानी पश्चात् यस लागुऔषध नियन्त्रण ब्युरोबाट खटिएको प्रहरी टोलीले थाम्सुहाङलाई पक्राउ गरेको प्रहरीले जानकारी दिएको छ । उनको साथबाट प्रहरीले खैरो हेरोइन २३२ ग्राम, नगद १ लाख ८० हजार र डिजिटल तराजु १ थान समेत बरामद गरेको छ ।
उनीमाथि लागु औषध बमोजिम सम्बन्धित जिल्ला अदालतबाट लागुऔषध मुद्दामा म्याद थप गरी थप अनुसन्धान भइरहेको छ ।
