काठमाण्डौ । नेपाल एएफसी २० वर्षमुनिको एशियन कपमा छनोट हुन असफल भएको छ । न्यु ताइपेई सिटीमा आज भएको समूह चरणको अन्तिम खेलमा नेपाल बहराइनसँग ४–० गोलले पराजित भयो ।

प्रतियोगितामा नेपालले चार खेलमा एकमा जीत र तीनमा हार बेहोर्‍यो । समूह ‘बी’ मा रहेको नेपाल पहिलो खेलमा कम्बोडियासँग ४–१ गोलले पराजित भएको थियो । दोस्रो खेलमा भने नेपालले घरेलु टोली चाइनिज ताइपेईलाई २–१ गोलले हराएको थियो । यस्तै तेस्रो खेलमा नेपाल उज्बेकिस्तानसँग ६–० गोलले पराजित भएको थियो ।

२० वर्षमुनिको एशियन कप छनोट आउँदो वर्ष चीनमा आयोजना हुँदैछ ।