विराटनगर । आफूलाई राजनीतिक विश्लेषक बताउने भरत दाहाल पक्राउ परेका छन्।
उनलाई आइतबार बिहान मोरङको बेलबारीबाट पक्राउ गरिएको प्रहरीले जनाएको छ।
मोरङ प्रहरीले साइबर ब्युरोमा परेको उजुरीका आधारमा दाहाललाई नियन्त्रणमा लिइएको बताएको छ ।
उनलाई पक्राउ गर्न नेपाल प्रहरीको साइबर ब्युरोले काठमाडौं जिल्ला अदालतबाट अनुमति लिएको थियो ।
उनलाई आजै काठमाडौं ल्याउने तयारी भइरहेको छ। दहाल पछिल्लो समय सरकारविरुद्ध चर्को आलोचना गर्दै आएका थिए।
