इटहरी । गायिका ऋचा काफ्लेको स्वरमा नेपाली मौलिकता बोकेको मसिनो खाउँला, सुकिलो लाउँला बोलको तीज गीत सार्वजनिक गरिएको छ । गणेश खड्काको शब्द रहेको गीतमा संगीत दुर्गा पराजुलीले दिएका छन् ।

शनिबार एक कार्यक्रम गरी गीतको म्युजिक भिडियो सार्वजनिक गरिएको हो । गीतको एरेन्ज राजु कार्कीले गरेका हुन् । कलाकारहरु सरिता दाहाल र प्रज्वल काफ्लेको मुख्य अभिनय रहेको गीतको भिडियो निर्देशन दुर्गा पराजुलीले गरेका हुन् भने नृत्य निर्देशन लक्ष्मी समालले गरेकी हुन् । यस्तै छाँयाकन र सम्पादन शिरकुमार साम्पाङले गरेका छन् ।

तीजमा भड्किलो गीतहरु सार्वजनिक भइरहँदा संगीत क्षेत्रमा लामो समयदेखि क्रियाशिल कलाकार, लेखकहरुले भने लोक भाकाको तीज गीत सार्वजनिक गरेका हुन् । गीतलाई नयाँ वृन्दावन गौशाला आसपास छाँयाकन गरिएको हो । दर्शकहरुले राम्रो प्रतिक्रिया दिएका छन् ।