काठमाडौं । जापानको नागोयामा पोखराका एक युवकको मृत्यु भएको छ ।
पोखरा १६ बाटुलेचौर घर भएका करिब ४० बर्षीय सन्तोष खड्काको ब्लड प्रेसरका कारण शुक्रबार साँझ उपचारकै क्रममा मृत्यु भएको बताइएको छ ।
दुई दिन पहिले ब्लडप्रेसर बढेपछि अस्पताल भर्ना गरिएका खड्कालाई डाक्टरहरुले तत्कालै अप्रेशन गरेपनि स्वास्थ्यमा सुधार हुन नसकेको बताएका थिए ।
अस्पतालले दिएको जानकारी अनुसार खड्काको उपचार कै क्रममा शुक्रबार साँझ मृत्यु भएको हो ।
एक श्रीमती एक छोरी र एक छोरा रहेका खड्काको परिवार यस पटक उनीसँगै दशै मनाउन जापान पुगेका थिए ।
राति सामान्य अवस्थामा सुतेका खड्का बिहान ढिलो सम्म नउठेपछि श्रीमतीले उठाउन खोज्दा नउठेपछि बेहोस अवस्थामै अस्पताल भर्ना गरिएको थियो । अस्पतालका डाक्टरका अनुसार ब्लडप्रेसर हिट भएका कारण अप्रेशन गर्नु पर्ने बताएका थिए ।
खड्काको शवलाई अन्तिम श्रद्धाञ्जलीका लागि नेपाल लगिने वा जापानमै अन्तेष्टि गर्ने बारे परिवारको सल्लाह पछि जानकारी दिइने जनाइएको छ ।
