काठमाडौं । सिनामंगलस्थित काठमाडौँ मेडिकल कलेजमा डाक्टर मनिष खड्कामाथि बिरामीका आफन्तले हातपात गरेका छन् ।
आइतबार दिउँसो साढे १२ बजेतिर इन्टर्नका डाक्टर मनिष खड्कामाथि बिरामीलाई समयमा जाँच नगरेको आरोप लगाउँदै कुटपिट भएको हो ।
डाक्टरमाथि कुटपिट गरेको आरोपमा गुल्मी घर भई काठमाडौं चाबहिल बस्ने २२ वर्षीय रुपक गौतम र गुल्मी घर भई सिनामंगल बस्ने ३४ वर्षीय सरोज गौतमलाई प्रहरीले पक्रनाउ गरेको छ ।
डाक्टरमाथि कुटपिट भएपछि अहिले केएमसीमा कार्यरत स्वाथ्यकर्मीहरु आन्दोलनमा उत्रिएका छन् । नेफ्रोलोजीको ओपीडीमा बिरामी लिएर आएका उनीहरुले डाक्टरमाथि कुटपिट गरेको पाइएको प्रहरीले जनाएको छ ।
