गजल–१
सम्पती र अनुहारमा माया लाइन्दैन प्रिय
बाचुनजेली साथ दिनु अरु चाइन्दैन प्रिय
डुबि रहे केवाल तिम्रो सम्झनाको गहिराइमा
तिम्रो याद बिना त गित गाइन्दैन प्रिय
संघर्षको बातो नछुद्नु कहिले पनि जिन्दगिमा
सधै एक अर्का मिलेर बसे दुख पाइन्दैन प्रिय
वर पिपल भाकी राखे दिगो हुन्छ प्रेम भन्छ
बिस्वास नभए त कसम खाइन्दैन प्रिय
गजल –२
किन तिमी बिना यो सास पनि छुटे जस्तो लाग्छ
तिमिलाई दुःख पर्द मेरो मुटु फुटे जस्तो लाग्छ
मायाको सम्मान र सोभा नभाएको देख्दा
मुना र मदनको सम्बन्ध टुटे जस्तो लाग्छ
सबैले परम्परा भेसभुसा बिर्सेपछी याहा
आफ्नो लिपि र ईतिहास धुटे जस्तो लाग्छ
धर्म भन्दा प्यारो भएछ मान्छेहरुको स्वार्थ
सिताले आफनो रामलाई नै कुटे जस्तो लाग्छ
गजलकार सुरेन्द्र राई ‘सहयात्री’
ठेगानाः हतुवागढी–६ होम्ताङ, भोजपुर
हालः बुद्धशान्ती–२, झापा
