इटहरी । वरिष्ठ लोक गायक एलपी जोशीको निधन भएको छ । बिहीबार साँझ ८८ वर्षको उमेरमा वरिष्ठ गीतकार तथा गायक लक्ष्मीप्रसाद जोशी (एलपी)को निधन भएको हो ।

झापाको दमक नगरपालिका–१ स्थित घरमै उनको निधन भएको पारिवारिक स्रोतले जनाएको छ । केहि दिनदेखि उनको स्वास्थ्यमा समस्या आएको थियो । स्वास्थ्यमा समस्या आएपछि अस्पताल लगिएपनि बिहीबार भने उनलाई घरमै ल्याइएको पारिवारिक स्रोतले जनाएको छ ।

जोशीकोे कन्काइ माइमा शुक्रबार दाहसंस्कार गरिने जनाइएको छ । उनी छोरा मिलन र परिवारका अन्य सदस्यका साथ दमकमा बस्दै आएका थिए ।