काठमाण्डौ । बेलायतमा बुधबार करिब ४४ हजार जना कोरोना भाइरसका सङक्रमित भेटिएका छन् ।
कोरोना भाइरसको संक्रमण घट्न नसकेको देखिएको त्यहाँका स्वास्थ्य अधिकारीहरुले जनाएका छन् । त्यहाँ गएको २४ घन्टामा ४३ हजार ९४१ जनामा यो सङ्क्रमण देखिएको हो ।
त्यहाँको स्वास्थ्य मन्त्रालयद्वारा जारी वक्तव्यमा उल्लेख गरिएअनुसार यहाँ पछिल्लो २४ घन्टामा कोरोना भाइरसका कारण २०७ जनाको मृत्यु भएको छ ।
योसँगै बेलायतमा अहिलेसम्म कोरोनाका कारण एक लाख ४० हजार ४१ जनाको मृत्यु भएको छ ।अधिकारीहरुले बेलायतमा अहिलेसम्म सङ्क्रमित हुनेको संख्या ८८ लाख ९७ हजार भन्दा बढी पुगेको यहाँका स्वास्थ्य अधिकारीहरुले जनाएका छन् ।
