संखुवासभा । संखुवासभाको खाँदवारी नगरपालिका– ११ मा पहिरोले तीन घर र एक गोठ बगाएको छ।
बुधबार राति वर्षासँगै अरूण नदीको बहाव बढेर मावाखोलामा बढेपछि पहिरोले तीन घर र एक गोठ बगाएको हो।
जिल्ला प्रहरी कार्यालय संखुवासभाका अनुसार घर बगाउँदा मणिप्रसाद राई घाइते भएका छन्। उनको घुँडामा चोट लागेको छ।
उनको ढुंगा र माटोले बनेको जस्ताको छानो भएको एकतले घर पनि बगाएको थियो।
उनीसँगै सोही वडाका रामप्रसाद राई, दिलबहादुर राईको घर पनि बगाएको छ भने रत्नबहादुर राईको गोठ बगाएको प्रहरीले जनाएको छ ।
गएरातिको पानीले घरसँगै चन्दनपुरबाट चिचिला गाउँपालिका तर्फ जाने काठेपुल पनि बगाएको बताइएको छ ।
