इलाम । इलाममा भएको सवारी दुर्घटनामा एकजनाको मृत्यु भएको छ ।
आज बिहान झापाबाट इलाम आउँदै गरेको मे १ ज ३२६३ नम्बरको भ्यान मेची राजमार्गअन्तर्गत रोङ गाउँपालिका–४ बाइखोरमा दुर्घटना हुँदा चालक देउमाई नगरपालिका–६ का २५ वर्षीय दिपेश राईको मृत्यु भएको हो ।
जिल्ला प्रहरी कार्यालय इलामका अनुसार भ्यानमा सवार इलाम नगरपालिका–५ का २६ वर्षका विश्वास राई गम्भीर घाइते भएका छन् ।
उनलाई उपचारका लागि झापा पठाइएको छ । भ्यान राजगमार्गबाट करिब पाँच सय मिटर तल खसेको थियो ।
