काठमाण्डौ । जुलाई १३ अर्थात बुधबार(आज) को साँझ अन्य दिन भन्दा आकाशमा चन्द्रमा उदाउँदा केही अनौठो दृश्य देखिनेछ ।
वर्ष २०२२ को अन्य दिन भन्दा आजको दिन आकाशमा चन्द्रमा ठूलो र उज्यालो देखिनेछ । यसलाई वैज्ञानिकहरुले जुलाई सुपरमुन नाम दिइएका छन् ।
वास्तवमा यो समय चन्द्रमा पृथ्वीको सबैभन्दा नजिक अर्थात ३ लाख ५७ हजार २६४ किलोमिटरको दुरीमा आउने छ । अन्य समयमा सो दुरी ३ लाख ८४ हजार ४ सय किलोमिटर रहन्छ ।
यति मात्र होइन आजको चन्द्रमा २४ घण्टासम्म वर्षका अन्य दिन भन्दा ठूलो र उज्यालो देखिनेछ । तर आज राती जुलाई १३ को मध्यरात १२ बजेर ८ मिनेट जादा चन्द्रमा सबैभन्दा ठूलो दृश्य देखिनेछ ।
यो अवधिमा चन्द्रमा पृथ्वीको सबैभन्दा नजिक आउने छ । आगामी तीन दिनसम्म आकाशमा चन्द्रमा पूर्णिमा झै देखिनेछ ।
