इटहरी । इटहरी रंगशालामा फ्लड लाइट जडान गरिएको छ । कोशी प्रदेश सरकार र प्रदेश खेलकुद विकास बोर्डको सहकार्यमा दुई वटा फ्लड लाइट जडान गरिएको हो ।
फ्लड लाइट जडान भएपछि राती पनि खेल प्रतियोगिता गर्न सकिनेछ । थप फ्लड लाइट जडानका लागि पहल भइरहेको छ ।
लाइट जडानपछि अर्को पटकको इटहरी गोल्डकप रात्रीकालिन गर्ने योजना रहेको इटहरी गोल्डकपको आयोजक संस्था राष्ट्रिय जागृती क्लबले जानकारी दिएको छ ।
