धनकुटा । पाख्रिबासमा पिकअप भ्यान दुर्घटना हुँदा दुई जनाको मृत्यु भएको छ ।
पाख्रिबास नगरपालिका–३ स्थित पाख्रिबास–हिले सडकखण्डको जौटारमा बिहीबार राति को १ ज २६३९ नम्बरको पिकअप दुर्घटना भएको हो ।
तीन वटा सुँगुर लिएर पाख्रिबासबाट हिलेतर्फ जाँदै गर्दा पिकअप सडकबाट करिब १५० मिटर तल खस्दा चालक पाख्रिबास–९ उत्तरपानीका ३९ वर्षीय शुक्रबहादुर तामाङ र सहचालक सिरहाको लहान–५ का २४ वर्षीय प्रमोद मल्लिकको मृत्यु भएको जिल्ला प्रहरी कार्यालय धनकुटाले जनाएको छ ।
सहचालक मल्लिकको दुर्घटनास्थलमै मृत्यु भएको थियो भने चालक तामाङलाई जिल्ला अस्पताल पुर्याउन साथ चिकित्सकले मृत घोषणा गरेका थिए । दुर्घटनाग्रस्त पिकअप घटनास्थलमै रहेको छ ।
