सङ्खुवासभा । सङ्खुवासभाको चिचिला गाउँपालिका २ ज्यामिरेका एक युवकको करेन्ट लागेर मृत्यु भएको छ ।
स्थानीय कागुवा खोलामा माछालाई लगाएको करेन्ट आफैंलाई लाग्दा स्थानीय २४ वर्षीय छेम्बी शेर्पाको मृत्यु भएको हो ।
ब्याट्रीको प्रयोग गरी खोलाको माछालाई लगाएको करेन्ट आफैँलाई लाग्दा शेर्पाको घटनास्थलमा नै मृत्यु भएको प्रहरीले जनाएको छ ।
उनको शव पोस्टमार्टमका लागि जिल्ला अस्पताल खाँदबारीमा राखेर घटनाबारे थप अनुसन्धान भइरहेको प्रहरीले जनाएको छ ।
