काठमाडौं । प्रधानमन्त्री कप एकदिवसीय राष्ट्रिय प्रतियोगितामा गण्डकी प्रदेशविरुद्ध कोशी प्रदेश २५ रनमा अल आउट भएको छ ।
गण्डकीले दिएको १६८ रनको लक्ष्य पछ्याएको कोशी १५ ओभर २ बलमा २५ रनमा समेटिएको हो । कोशीका कुनै पनि खेलाडीले दोहोरो अंकमा रन बनाउन सकेनन् । गण्डकीका कप्तान बिपिन खत्रीले ६ विकेट लिए ।
यो संगै कोशी यो प्रतियोगितामा लगातार छैटौं हार बेहोरेको छ। लगातार तेस्रो हार बेहोरेको गण्डकीले भने पहिलो जित दर्ता गराएको छ ।
