काठमाडौँ । पश्चिम बंगालको पूर्व बर्धमान जिल्लामा भएको एउटा सडक दुर्घटनामा १० जनाको मृत्यु भएको छ । दुर्घटनामा अन्य ३५ जना घाइते भएको बताइएको छ ।
शुक्रबार बिहान तीर्थयात्रीहरू बोकेको एउटा निजी बस पूर्व बर्धमानबाट दुर्गापुर जाँदै गर्दा सडकमा रोकिएको ट्रकको पछाडि ठोक्किएको बीबीसी हिन्दीले जनाएको छ ।
बस र ट्रकबीचको यो ठक्करमा १० जनाको घटनास्थलमै मृत्यु भएको भनिएको छ । घाइते सबैलाई बर्धमान मेडिकल कलेज अस्पतालमा भर्ना गरिएको छ । दुर्घटनामा परेका सबै तीर्थयात्रीहरू बिहारका बासिन्दा भएको बताइएको छ ।
