काठमाडौं । गायक, गीतकार तथा संगीतकार प्रकाश सपूतको डेब्यु फिल्म ‘परदेशी–२’ को पहिलो गीत सार्वजनिक भएको छ।
फिल्मको ‘के वर मागी फर्क्यौ ’ बोलको गीत सार्वजनिक गरिएको हो। रमेश पौडेलको शब्द तथा नारायण रायमाझीको संगीत रहेको गीतमा निशान भट्टराईको आवाज रहेको छ।
नारायण रायमाझीको निर्देशनमा बनेको फिल्ममा प्रकाश र केकी अधिकारी मुख्य भूमिकामा देखिएका छन्। फिल्ममा रोजगारीको लागि परदेश गएका युवाहरूको कथा रहेको छ।
दशैँको अवसर पारेर प्रदर्शनमा आउन लागेको फिल्ममा प्रकाश र केकी बाहेक वर्षा शिवाकोटी, दिलीप रायमाझी, प्रशान्त तामाङ, नीर शाह, रमा थपलिया, देवेन्द्र बब्लु, रोशनी कार्की लगायतका कलाकारको पनि अभिनय रहेको छ।
फिल्म असोज १४ देखि प्रदर्शनमा आउँदै छ।
