काठमाडौं । चितवनको मुग्लिन–नारायणगढ सडकखण्ड फेरि अवरुद्ध भएको छ । आज बिहानदेखि सडक अवरुद्ध भएको हो ।
इच्छाकामना गाउँपालिका–६, कालीखोला पुलनजिकै सडकमाथिबाट पहिरो खसेकाले बाटो अवरुद्ध भएको सडक डिभिजन कार्यालय भरतपुरले जनाएको छ ।
उक्त स्थानमा अहिले वर्षा भइरहेको र लेदो पनि बगिरहेको जानकारी दिइएको छ । पहिरो पन्छाउन केही समय लाग्ने सडक डिभिजन कार्यालयले जानकारी दिएको छ ।
लेदो खसिरहेकाले सो स्थानमा सवारीसाधनको आवगमन ठप्प भएको बताइएको छ ।
