विराटनगर । विराटनगरस्थित नोबेल अस्पतालमा एक महिलाले तिम्ल्याहा सन्तान जन्माएकी छिन् ।
झापाको गौरीगन्ज गाउँपालिका ४ की २२ वर्षीया रुविना ताजपुरियाले तीन बच्चालाई जन्म दिएकी हुन् ।
जन्मिएका दुई बच्चाको तौल १ किलो ६ सय ग्राम छ भने एउटा बच्चाको तौल २ किलो १ सय ग्राम छ । अप्रेसन गरेर तीन वटै बच्चा सकुशल निकालिएको हो ।
तीनै सन्तानको स्वास्थ्य राम्रो रहेको बताइएको छ ।
रुविनाका यसअघि नै दुई छोरी छन् ।
