काठमाडौँ । नेपालमा पछिल्लो २४ घण्टामा थप ८ हजार ४५४ जनामा कोरोना संक्रमण पुष्टि भएको छ ।
एन्टिजेन र पीसीआर विधिबाट गरिएको २० हजार ३५९ परीक्षणमा देशभर ८ हजार ४५४ संक्रमित थपिएको स्वास्थ्य तथा जनसंख्या मन्त्रालयले जानकारी दिएको हो ।
१३ हजार ५४९ पीसीआर परीक्षणमा ५ हजार ५७१ र ६ हजार ८१० एन्टिजेन जाँच गर्दा २ हजार ८८३ जना संक्रमित फेला परेका हुन् ।
२४ घण्टाको अवधिमा ४ हजार ४३३ जना निको भएका छन् भने ५ जनाको मृत्यु भएको छ ।
हालसम्म नेपालमा सक्रिय संक्रमितको संख्या ९० हजार ६७ पुगेको छ ।
