सुदुरपश्चिमबाट विद्यार्थी बोकेर आएको बस दुर्घटना हुँदा कम्तिमा १५ जना....

स्थानीय खबर

सुदुरपश्चिमबाट विद्यार्थी बोकेर आएको बस दुर्घटना हुँदा कम्तिमा १५ जना घाइते

न्युजलय २४ कार्तिक २०८०, शुक्रबार ०१:५१ मा प्रकाशित

धरान । धरानमा बस दुर्घटना हुँदा कम्तिमा १५ जना घाइते भएका छन् । सुदुरपश्चिमको नवलपरासी जिल्लामा पर्ने कावासोतीस्थित जनकल्याण माविमा अध्ययनरत विद्यार्थीहरु लिएर भ्रमणमा आएको बस दुर्घटनामा परेको हो ।

धनकुटाबाट फर्कँदै गरेको सु.प. २००१ख ११०८ नं. को उक्त बसको ब्रेक फेला भएर स्यांग्जाको ग २ ख १५८३ नम्बरको बस र म्याग्दीको अर्को बसलाई ठक्कर दिएको थियो । सो क्रममा सो क्रममा कम्तिमा १५ जना घाइते भएका छन् । उनीहरुलाई उपचारको लागि धरानस्थित वीपी स्वास्थ्य विज्ञान प्रतिष्ठानमा लगिएको छ ।

प्रहरीले तीन जना चालकहरू नियन्त्रणमा लिएको छ ।

घाइतेहरु

ग २ ख १५८३ मा सवारः-

१) जि. म्याग्दी मंगला गा.पा. ५ बस्ने वर्ष १५ को गौरव रोक्का टाउकोमा चोट अवस्था सामन्य ।

२) ऐ.ऐ. बस्ने बर्ष ३६ की सुकुमाया छन्तेल दाहिने हातमा चोट अवस्था सामान्य।

३) ऐ.ऐ. बस्ने बर्ष १६ की ममता तुलाचन निधार र टाउकोमा चोट अवस्था सामान्य ।

४) ऐ.ऐ. बस्ने बर्ष १५ की छिनिता जारन्जा दाहिने हात र शरिरमा चोट अवस्था सामान्य ।

५) ऐ.ऐ. बस्ने बर्ष १६ की एन्जिला खत्री नाँकमा चोट अवस्था सामान्य।

६) ऐ.ऐ. बस्ने बर्ष १६ को रोशन किशन टाउकोमा चोट अवस्था सामान्य।

७) ऐ.ऐ. १ बस्ने बर्ष १५ को दिपक किशन टाउकोमा चोट सामान्य।

८) ऐ.ऐ. बस्ने बर्ष १७ को रिदिप पुन दाहिने हातको औंलामा चोट अवस्था सामान्य।

९) ऐ.ऐ. २ बस्ने बर्ष १७ को समिर बुढाथोकी दाहिने हातमा चोट अवस्था सामान्य.