इटहरी । इटहरी उपमहानगरपालिकाले कर वृद्धि गरेपछि इटहरीका नागरिकले विरोध गर्न थालेका छन् ।
इटहरी उप महानगरपालिको कर वृद्धि गरेको विरोधमा सामाजिक सञ्जालमा तीव्र विरोध भइरहँदा करको दर परिमार्जन गर्न दबाब मूलक कार्यक्रम सुरु भएको छ ।
विरोधमा आज इटहरीका मेयर हेमकर्ण पौडेल र उप मेयर संङ्गिता चौधरीलाई म्यासेज पठाउने कार्यक्रम तय भएको छ ।
सर्वसाधारणले मेयर र उप मेयरलाई म्यासेज पठाएकोमा लेखिएको छ ‘की हाम्रो घर जग्गा किनी देऊ की त हामीले घर जग्गा बेचेर कर तिर्नु पर्ने हो ?’ लु न इटहरी सरकार छिटो भनिदेऊ ।
इटहरी उपमहानगरपालिकाले करको दर बढाएपछि सामाजिक सञ्जालमा उप महानगरको यस कदमको तीव्र विरोध भइरहेको छ । अघिल्लो वर्ष को भन्दा झण्डै चार गुणा सम्म करको दरमा वृद्धि गरेपछि सर्वसाधारण आन्दोलित हुनु परेको बताइएको छ ।
इटहरी उपमहानगरले श्रावण १ गतेदेखि लागू हुने गरी एकीकृत सम्पत्ति कर, घर बाटो सिफारिस, दस्तुर ,चार किल्ला सिफारिस दस्तुर ,लेनदेन प्रमाणीकरण दस्तुर लगायतका शीर्षकमा कर वृद्धि गरेको छ।
