काठमाडौ । पशुपतिमा राखिएको सुनको जलहरिको तौल १०७ किलो ४७ ग्राम रहेको खुलेको छ । अख्तियारको टोलीले जलहरि झिकेर जोख्दा उक्त तौल रहेको पाइएको हो ।
सुन जोख्नको लागि आइतबार पशुपति क्षेत्र खाली गराइएको थियो । नेपाली सेना परिचालन गरेर सुन जोखिएको थियो । जलहरि जोख्ने ठाउँमा सिसिटीभी जडानसमेत गरिएको थियो ।
पशुपतिमा जलहरि राख्न नेपाल राष्ट्र बैंकबाट १०३ किलो ७९३.१०० ग्राम सुन खरिद गरिएको थियो । जलहरि र रिङ गरी कूल १०७ किलो ७ सय ९८ ग्रामको सुन र अन्य धातु प्रयोग भएको पाइएको छ।
जलहरिको कूल तौल ९६ किलो ८ सय २२ ग्राम थियो भने रिङको तौल १० किलो ९ सय ७६ ग्राम थियो ।
जलहरि छिटो खिइन नदिन त्यसमा २ किलो ८ सय ८८ ग्राम तामा, चाँदी १ किलो २ सय ५३ ग्राम र १२ ग्राम ७५ मिलिग्राम जिन्कसमेत राखिएको थियो ।
जसअनुसार ३० तोला सुन कम पाइएको छ ।
