काठमाण्डौ । रुकुमपूर्वमा प्रहरीको भ्यान दुर्घटना भएको छ।
शनिबार(आज) दिउँसो रुकुमकोटबाट पुथाउत्तरगंगा गाउँपालिका जाने क्रममा सोही गाउँपालिका–११ सेरामा भ्यान दुर्घटना भएको प्रहरीले जनाएको छ।
भ्यानमा ६ जना सवारमध्ये ३ जना गम्भीर र ३ जना सामान्य घाइते रहेको प्रहरीले जनाएको छ।
गम्भीर घाइते हुनेमा प्रहरी हवल्दार कुमार डाँगी, प्रहरी जवान लक्ष्मण पुन र सन्तोष बुढा रहेको प्रहरीले जनाएको छ । जिल्ला प्रहरी कार्यालयका प्रमुख डिएसपी प्रकाश डाँगीसहित अन्य तीन जना सामान्य घाइते रहेको प्रहरीले जनाएको छ।
गम्भीर घाइतेलाई हेलिकोप्टरमार्फत उद्धार गर्ने तयारी भइरहेको छ भने थप विवरण आउन बाँकी रहेको प्रहरीले जनाएको छ।
